Trajnimi mbi Zhvillimin e Karrierës edhe me nxënësit e gjimnazit “Hamdi Berisha”

14 dhjetor 2018

Në Gjimnazin "Hamdi Berisha" në Malishevë u mbajtë trajnimi i radhës mbi Zhvillimin e Karrierës me nxënës të drejtimit shoqëror dhe natyror.

Nxënësit përgjatë trajnimit diskutuan mbi format e aplikimit në një pozitë pune. Fokus iu dha CV-së profesionale të formatit Europass dhe letrës motivuese, si një faktor kyç për aplikim në punë.

Duke bashkëbiseduar ata improvizuan sjelljet e duhura dhe jo të duhura pasi të ftohen në intervistë të punës.

Unë quhem Rivije Hazrollaj, kam lindur në Prizren. Tani jam nxënëse maturante në Gjimnazin "Hamdi Berisha" në Malishevë në drejtimin shkenca shoqërore. Në moshën 1 vjeçare kam jetuar në Itali, atje kam qenë në çerdhe deri në klasën e tetë. Poashtu, kam jetuar një kohë edhe në Gjermani. Kam pasur udhëtime ndërmjet këtyre dy shteteve. Sot isha pjesëmarrëse në trajnimin mbi Zhvillimin e Karrierës, trajnim që u ndava shumë e kënaqur. Mua më la përshtypje të madhe dhe, iu rekomandoj të gjithë të rinjve si unë.

Prapa