ECD, sërish trajnim me studentë të Universitetit të Prizrenit

21 tetor 2017

Sot në Universitetin e Prizrenit u organizua trajnimi mbi Zhvillimin e Karrierës, të pranishmit në trajnim ishin studentë me përvoja paraprake nga më të ndryshmet dhe ndarja e këtyre përvojave i dha kahjen e duhur trajnimit në përgjithësi. Formulimi i një CV-je, procesimi i një letre motivuese dhe praktikimi i intervistës së punës nga vetë pjesëmarrësit, do të ju lehtësoj mundësinë e zbatimit të njohurive profesionale rreth parapërgatijes dhe aplikimit për punë. 

Qëndresa Veselaj

“Unë jam Qëndresa Veselaj, tashmë kam përfunduar studimet universitare në Fakultetin Ekonomik - Menaxhment dhe Informatikë. Kam jetuar në Gjermani, atje kam filluar shkollën fillore dhe e kam vijuar deri në klasën e katërt, por për arsye te ndryshme nuk kam mundur të vazhdoj. Me pastaj, edukimin e kam vazhduar ne Kosovë. Jam folëse e gjuhës gjermane deri në atë nivel që e kam mësuar gjatë shkollimit atje. Trajnimi i sotëm ishte në nivel. Edhe pse më herët kam pasur informacione për përgatitjen e CV-së dhe letrës motivimi. Ky trajnim më mundësoj që t’i rifreskoj ato sipas metodave të reja të aplikimit.”

Samire Micaj

“Unë jam Samire Micaj dhe studioj gjuhën gjermane në Fakultetin Filologjik në Universitetin e Prizrenit. Në vitin 2016 kam arritur t’a realizoj ëndrrën time, duke qëndruar në Gjermani për 3 muaj gjatë sezonës verore. Për gjatë kësaj periudhe kam pasur rastin të punoj si arkëtare në MC Donald’s si dhe kam vizituar disa vende të Gjermanisë. Kjo eksperiencë më dha mundësinë që t’a përforcoj gjuhën gjermane. Trajnimet për mua janë të mirëseardhura dhe poashtu të dobishme si kjo e ditës së sotme. Informacionet e marra nga ky trajnim nuk i kam pasur më herët andaj besoj kjo mundësi iu ofrohet edhe studentëve të tjerë. Falenderoj ECD-në për organizimin e këtij trajnimi.”
 

Prapa