Ne i dhuruam, ato do të rriten

19 qershor 2019

Gjatë ditës së djeshme, u realizua aktiviteti "Dhuroji, ato rriten", aktivitet human me qëllim të vetëdijësimit të qytetarëve për përkrahje të pakushtëzuar për të prekurit nga kanceri.

Blerimi njëri nga vullnetarët e ECD-së, u bë i pari që dhuroi flokët e tij për këtë kategori të qytetarëve. Ai si një i ri, tregoi që këtë gjë po e bën pasi e ndjeu të nevojshëm dhe obligim moral për përkrahje.

Gjatë aktivitetit, foli edhe nënkryetarja e Komunës së Prizrenit, z. Memnuna Ajdini . Poashtu, për sfidat e përpunimit të flokëve, mbajti fjalim z. Violeta Pirana, nga organizata Renesanca, e cila tregoi vështirësitë dhe nevojat për përpunimin e flokëve.

Për t'i dhënë ngjyrim këtij aktiviteti të mirëfilltë performuan balerinët: Rina Baxhaku & Andi Hoxha, me keorografi të Luljeta Braha-s.

Gjesti human i Blerimit, i shtyri edhe disa të tjerë të veprojnë kështu, flokët e tyre përgjatë aktivitetit i dhuruan edhe: Hanë Hoxha, Sinera Tyfekçi, Flora Krasniqi, Vlera Dani dhe Hera Luma

Mbesim me shpresën që ky aktivitet sado pak ka thirrur ndërgjegjet e qytetarëve për mbështetje të parezervë për pacientët e prekur me kancer!